Ангел Чемерски

Ангел Чемерски - Јануш (31 март 1923 во Кавадарци — 18 ноември 2003 во Скопје) — македонски револуционер и партиски функционер.^[1][2]

Ангел Чемерски - Јануш
Секретар на КПМ
На должноста 1969–1982
Претходник	Крсте Црвенковски
Наследник	Крсте Марковски
Лични податоци
Роден(а)	1923 Кавадарци, Кралство СХС
Починал(а)	18 ноември 2003(2003-11-18) (возр. 79–80) Скопје, Македонија
Националност	Македонец
Партија	КПМ

Уште како ученик се вклучува во комунистичкото движење, а во 1943 станува активен младинец во македонската народноослободителна војска уште во првите денови од фашистичката окупација. Станува член на СКОЈ во 1941 година, а на КПЈ во 1942. Секретар е на општинските партиски комитети во Штип, Струмица и Битола. Во 1943 година стапува во редовите на Тиквешкиот партизански одред "Добри Даскалов“.

Завршил Економски факултет, бил директор на Заводот за стопанско планирање. Позабележителна општествено-политичка дејност остварува по ослободувањето: помошник-министер за индустрија и рударство, претседател на Стопанскиот совет, секретар и претседател на ЦК СКМ (од 1969 до 1982 година), а во повеќе мандати бил член на Претседателството на ЦК СКМ, како и член и претседател на Претседателството на СРМ (од 1982 година до 1986 година).

Поврзано

• СРМ