Адријана Алачки

Адријана Алачки — македонска телевизиски водител и пејачка на народна музика. Таа живее и работи во Скопје. Покрај соло кариерата, Адријана Алачки понекогаш настапува со групата наречена „Четири грации“, каде покрај Адријана се и Благица Павловска, Росана Тодоровска и Бади Бекир. До 2011 година Андријана била во брак со Горан Алачки со кого има две деца. Во 2011 година Адријана започнала со емитување на своја кулинарска емисија наречена „Вкусот на традицијата“, која се емитува на ТВ Алфа.^[1] Од 2021 година, е водителка на емисијата „Везилка“ на Телевизија Алфа, заедно со Ирена Спировска и Благоја Грујовски.

Адријана Алачки
Животописни податоци
Потекло	Македонија
Жанрови	македонска народна музика
Период на активност	1987 - денес
Мреж. место	www.alfatv.mk

Животопис

Адријана Алачки растела со македонскиот фолклор како член на КУД „Кочо Рацин”. Својата пејачка кариера ја започнала во 1987 година и пред пошироката јавност се претставила со една народна песна. Во 1988 година, со Ирена направиле дует кој во 90-те години оставил трага на македонската фолк сцена. Следувале настапи и турнеи во Европа, Канада и Австралија. Дуетот престанал да постои во 1994 година, но Адријана продолжила со музичката кариера. Често била присутна на фестивалите, има добиено голем број награди, а голем број хитови сведочат за успешноста. Како автор на музиката на нејзините песни најчесто се јавува нејзиниот поранешен сопруг - хармоникашот Горан Алачки.^[2]

На 8 октомври 2014 година, Адријана Алачки управувајки го својот автомобил марка Ауди, го прегазила пешакот Киро Деловски (76 години) на улицата „Рузвелтова“. Пејачката била во алохолизирана состојба, а пешакот починал истиот ден. Ослободена е од вина, со отфрлена кривична пријава.^[3]

Кариера

Во нејзината музичка кариера се состои четири касети, две самостојни цедеа, голем број фестивали, турнеи, петнаесетина години на естрадата и последниот албум наречен „Меланхолија“.^[4]

Спотови

Спот	Година	Режисер
Љубомора	2006	Томато продукција
Четирите грации	2006	-
Меланхолија	2010	Виктор Ружинов

Надворешни врски

• Дискографија на Адријана Алачки на ВБУ Музички Регистар Архивирано на 7 ноември 2020 г.