Анѓеле Петрески

Анѓеле Дејанов Петрески ( 1922 во Ехлоец — 1945 во Независна Држава Хрватска) — македонски партизан, борец за слобода на Македонија и учесник во НОВ.^[1]

Споменик од НОВ, во Ехлоец на кој е впишано и името на Анѓеле Петрески.

Анѓеле Петрески
Роден	1922 година Ехлоец, Кралство СХС
Починал	април 1945 година Сремски фронт, Независна Држава Хрватска
Народност	Македонец

Животопис

Бидејќи немал услови да се школува, почнал да се занимава со земјоделие, а потоа заминал на печалба во Белград. Уште како печалбар се определил за борба против фашистичкиот окупатор и кога се вратил во своето родно село, почнал да работи за народно ослободителното движење. Во есента 1944 година, тој стапил во Осумнаесеттата дополнска бригада, а потоа бил распореден во Првата македонска бригада. Со Бригадата, тој учествувал во борбите за ослободувањето на: Охрид, Кичево и Гостивар, а потоа заминал на Сремскиот Фронт, каде при еден пробој загинал во борба против Германците, во април 1945 година.^[1]

Поврзано

• Кичево и Кичевско во НОВ