Арџеш (округ)

Арџеш (романски: Judeţul Argeş) — округ во Романија, сместен во средишниот дел на земјата. Главен град на округот е градот Питешт, а значајни градови се и Курта де Арџеш и К’мпулунг.

Округ Арџеш Argeş
Покраина	Мунтенија
Седиште	Питешт
Население	652.625 (2002)
Површина	6.862 km2
Густина на населеност	95/km2
ISO 3166-2 шифра	RO-AG
Мрежно место	www.cjarges.ro

Географија

Местоположба

Предел од јужниот дел на Арџеш

Округот Арџеш е копнен округ во Романија. Окружен е:

• на север со: Брашов;
• на исток со: Д’мбовица;
• на југ со: Телеорман;
• на југозапад со: Олт;
• на запад со: Валча;
• на северозапад со: Сибињ.

Релјеф

Округот се наоѓа во Влашка, поточно во нејзината јужна покраина Мунтенија. Низ округот тече реката Арџеш, по која округот го добил и името. Северниот дел на Арџеш има планински карактер, каде се простираат Карпатите, во средишниот дел се простираат шуми, кои ко јужниот дел постепено преминуваат во Влашката Низина.

Демографија

Арџеш спаѓа во групата окрузи во Романија, во кои претежно живее романско население. Според пописот во Романија во 2002 година, етничкиот состав во округот го сочинуваат:

• Романци - 96%^[1]
• Роми и други.

Бројот на населението во округот по временски периоди е претставен во следната табела:

Година	Население[2]
1948	448.964
1956	483.741
1966	529.833
1977	631.918
1992	681.206
2002	652.625

Стопанство

Округот Арџеш е едн од најразвиените индустриски региони во Романија. Во него има рафинерија за нафта, а во Миовени, односно К’мпулунг се наоѓаат седиштата на автомибилските производители „Дачија“, односно АРО.

Од индустриските гранки, најразвиени се:

• автомобилската индустрија;
• хемиската индустрија;
• производството на електрична опрема и апарати за домаќинството
• прехранбената индустрија;
• текстилната индустрија; и
• производството на градежни материјали.

Нафтата се исцрпува во средишниот и во јужниот дел на округот. Во округот има и рудници на јаглен, а во близина на Миовени се наоѓа центар за јадрено истражување и производство на јадрено гориво за потребите на атомската централа во близина на Чернавода. По течението на реката Арџеш распоредени голем број на хидроцентрали, од кои најзначајна е хидроцентрљлата Видрару, со соодветната брана.

Ридестите предели во округот се погодни за одгледување на овошје, а во овие предели се произведува и вино, а јужниот дел е погоден за одгледување на жито.

Туризам

Глаавни туристички одредишта во округот се:

• градот Питешт;
• градот Курта де Арџеш, во чијашто близина се наоѓа манастирот Курта де Арџеш;
• пределот меѓу градовите К’мпулунг и Рукар;
• Прекуфагарашкиот пат на Фагарашките Планини;
• планината Леата;
• дворецот Појенари; и
• манастирот Котмана.

Административна поделба

Округот е поделен на 3 општини, 4 градови и 95 општини.