Бистерна (Прдејци)

Бистерна — археолошко наоѓалиште во гевгелиското село Прдејци.

„Бистерна“
Поглед кон Бистерна
Местоположба	41°12′40″N 22°29′0″E
Основни податоци
Место	Прдејци
Општина	Гевгелија
Тип	населба  црква  некропола
Период	бакарно време
	римско време
	среден век
Портал „Археологија“

Наоѓалиштето е прогласено за културно наследство на Македонија. Наодите се чуваат во Музејот во Гевгелија.^[1]

Местоположба

Наоаѓалиштето се наоѓа на 500 метри северозападно од селото Прдејци, во плантажите на „Вино-југ“ од Гевгелија.

Историја

Било прогласено за културно наследство на Македонија со решение од 31 декември 2003 година од страна на Републичкиот завод за заштита на спомениците на културата.^[2]

Опис

На површина од околу 2 хектара се откриени делови од овални јами со пречник од 1,5-2 метри и длабочина од 0,80-1,20 метри, во кои се најдени фрагменти од керамички тави со груба фактура и рачно работење, како и камени и кремени орудија. На поголем дел од наоѓалиштето се среќаваат фрагменти од керамички садови, питоси, тегули и имбрекси, архитектонска пластика, а најден е и дел од надгробна стела. Исто така, пронајдени се и траги од објекти градени од кршен камен и тегули, поврзани со варов малтер, мозаични подови, ќерамички тубулуси и суспензури. Во долниот дел на плантажата е откриена и поголема еднокорабна црква со траги од фрескоживопис. Масивните ѕидови на објектот се градени од кршен камен и варов малтер.

Поврзано

• Ветка Црква — сакрален објект од римското време;
• Колник — старохристијанска базилика;
• Прдејци;
• Список на археолошки наоѓалишта во Гевгелиско; и
• Список на средновековни некрополи во Македонија.