Бошко Пејковски

Бошко Пејковски ( 1922 Бразда ― 1945 во Банова Јаруга) — македонски партизан, револуционер, борец за слобода на Македонија и учесник во НОВ.^[1]

Спомен-плоча за загинатите во НОБ во селото Бразда, на која се наоѓа ѝ името на Бошко Пејковски

Бошко Пејковски
Роден	1922 година Бразда, Кралство СХС
Починал	април 1945 година Банова Јаруга, Независна Држава Хрватска
Народност	Македонец

Животопис

Израснал во сиромашно семејство. Завршил основно училиште, а потоа се занимавал со земјоделство. На 10 септември 1944 година стапил во Шеснаесеттата македонска ударна бригада, со која учествувал во сите борби против Германците и балистите на падините на Скопска Црна Гора. По ослободувањето на Македонија, неговата Бригада ја продолжила борбата, за дефинитивното ликвидирање на балистичките банди на Косово. Потоа со Петнаесеттиот македонски корпус заминал за Срем,^[2] каде посетувал тримесечна воено-политичка настава. По пробивот на фронтот и разбивањето на германските сили, со својата единица ја продолжил борбата за конечното уништување на непријателот. Во една битка за ослободувањето на Банова Јаруга, храбро загинал во април 1945 година. Бил закопан на борбената позиција.^[1]

Поврзано

• Пеце Пејковски
• Јован Пејковски
• Александар П. Пејковски
• Стојко С. Пејковски
• Блаже В. Пејковски
• Неделко С. Пејковски