Бошко Чакалов

Бошко Петров Чакалов ( 1925 во Бањане — 14 ноември 1944 во Сарај) — македонски партизан, борец за слобода на Македонија и учесник во НОВ.^[1]

Спомен-плоча од НОБ во Бањани, на која се наоѓа името на Бошко Чакалов

Бошко Чакалов
Роден	1925 година Бањани, Кралство СХС
Починал	14 ноември 1944 година Сарај, ДФ Македонија, ДФЈ

Животопис

Израснал сиромашно семејство. Завршил основно образование, а потоа изучил занает. Работел како автомеханичар во Скопје. Рано станал симпатизер на народноослободителното движење ѝ активно го помагал. На 7 септември 1944 година, тој стапил во редовите на Дванаесеттата македонска ударна бригада. Учествувал во сите борби на бригадата вклучувајќи ја и борбата за ослободување на Скопје. На 14 ноември 1944 година, ден по ослободувањето на Скопје, заминал кон тоа што е денес наречено Ѓорче Петров, каде во непосредна близина биле концентрирани бројни балистички банди, со цел да извршат напад на Скопје. Во оваа борба против албанските балисти, храбро загинал кај селото Сарај. Неговите останки биле закопани на скопските гробишта.^[1]