Брзозборки

Брзозборките се зборовни конструкции тешки за изговор, се изговараат брзо и при брзиот изговор се прават грешки кои предизвикуваат весело расположение.^[1] Во македонската литература брзозборки пишувале Васил Куноски, Рајко Јовчевски, Киро Донев и др.

Опис

Брзозборката е необичен фолклорен жанр која претставува своевидна игра на зборови. Брзозборките се градат со поврзување на зборови кои се тешки за изговор и слични по својата звучност, често врз принципот на алитерацијата. Тематската страна на брзозборките не е важна, зашто тие служат за забава, за натревари во брз изговор или практично вежбање за брзо зборување. Оттука, во нив преовладува духовитоста. Од друга страна, брзозборките се многу поетични и ритмички убаво скроени. Денес, брзозборките повеќе му припаѓаат на детскиот фолклор.^[2]

Примери

Германска брзозборка на поштенска картичка

• Бел петел бела пепел прета.
• Џеб, џепче, џепчиња без денарчиња.
• Едно дрво јаворово преку поле Лазорово.
• Лош кантар црн катран мереше.
• Во дол бол има вол.
• Дрзок дрвар в дрма дрва врзал.
• Ситна роса ситно трева росеше
• Страчка каша варила од јачмен и просо, а пак ќосот во ќошот си го чепкал носот.
• Петре плети плот, да помине поп, да растуре плот, да ни дојде гос.
• Кантар тргат катран.

Поврзано

Алитерација