Везер

Везер (германски: Weser, долногермански: Werser)^[1] — река во северозападна Германија. Почнува од Хановерски Минден со влевање на реките Фулда и Вера, па тече низ Долна Саксонија, минува низ Бремен и истекува во Северното Море кај Бремерхафен. На спротивниот (западен) брег се наоѓа градот Норденхам на подножјето на полуостровот Бутјадинген; така, устието нареката се наоѓа во Долна Саксонија. Реката е долга 452 км, а ако се брои и притока Вера, вкупната должина изнесува 744 км.

53°32′8″N 8°33′56″E

Везер Weser
Werser
Река
Везер кај Бад Ејнхаузен
Земја	Германија
Покраини	Бремен, Долна Саксонија, Северна Рајна-Вестфалија, Тирингија, Хесен
Притоки
- леви	Димел, Емер, Вере, Гросе Ауе, Хунте
- десни	Алер, Лезум
Градови	Бремерхафен, Бремен, Минден, Хамелн, Хан. Минден, Касел, Фулда
Извор
- место	Вливот на Фулда и Вера во Хан
- височина	116 м
- координати	51°25′17″N 9°38′53″E
Утока	Ваденско Море/Северно Море
- местоположба	Бремерхафен/Норденхам
- височина	0 м
- координати	53°32′8″N 8°33′56″E
Должина	452 км
Слив	46.306 км2
Истек
- просечен	327 м3/с
Речното подрачје на Везер Речното подрачје на Везер

Течение

Реката Везер е најдолгата река во Германија што се влева во море, а чие течение целосно се наоѓа во Германија.

Горното течение минува низ ридскиот крај наречен Везерско Средногорје. Се протега од вливот на Фулда и Вера до клисурата Порта Вестфалика, меѓу Виенското на запад и Везерското Средногорје на исток.

На потегот од Минден до Северното Море, реката е претежно канализирана, овозможувајќи го сообраќајот на бродови до 1.200 тони. На потегот има осум хидроелектрани. Поврзана е со каналот Дортмунд-Емс преку Крајбрежниот Канал (Кистен), а има и уште еден канал што се спојува со него кај Бремерхафен и го поврзува со реката Елба. Водостојот се на Везер се регулира со голема акумулација на реката Едра (главна притока на Фулда), со цел да се обезбеди достатна длабочина за бродовите во текот на целата година. Во 1943 браната била бомбардирана и уништена од Британците, причинувајќи огромни разорни штети и 70 човечки жртви, но била преградена за само неколку месеци. Денес акумулацијата на Едра е познато летувалиште и дава значајна количина на хидроенергија.

Светилникот „Алте Везер“

Везер се влева во Северното Море во најјужниот дел на Германскиот Залив. Во самото море, течението се дели на два ракава, што го претставуваат некогашното корито од последното ледено време. Овие морски ракави се нарекуваат „Стар Везер“ (Alte Weser) и Нов Везер (Neue Weser). Најсеверната точка на Везер ја бележи светилникот „Алте Везер“, кој во 1964 г. го заменил попознатиот постар светилник „Ротер Занд“.

Притоки

Најголема притока на Везер е реката Алер, која се влева во него јужно од Бремен. The tributaries of the Weser and the Werra (од изворот до устието) are:

Леви

• Улстер
• Фулда, со Едра
• Димел
• Вере
• Гросе Ауе
• Хунте

Десни

• Несе
• Алер
• Лезум - a влив на реките Виме и Хаме.
• Луне (близу Бремерхафен)
• Гесте (во Бремерхафен)

Позначајни населени места

Позначајни населени места по течението на Везер (низводно) се: Хан, Беверунген, Хекстер, Холцминден, Боденвердер, Хамелн, Хесиш Олдендорг, Ринтелн, Флото, Бад Ејнхаузен, Порта Вестфалика, Минден, Петерсхаген, Нинбург, Ахим, Бремен, Браке, Норденхам и Бремерхафен.

Поврзано

• Везерско Средногорје