Вестминстер

51.4995°N 0.1333°W / 51.4995; -0.1333

Вестминстер
Westminster
Вестминстерската палата
Вестминстер Вестминстер во рамките на Голем Лондон
Мреж. реф.	TQ295795
- Черинг Крос	0.8 kм (0.5 ми)  СИ
Лондонска околија	Вестминстер
Церемонијална грофовија	Голем Лондон
Регион	Лондон
Земја	Англија
Суверена држава	Обединето Кралство
Пошт. град	LONDON
Поштенска област	SW1
Повикувачки број	020
Полиција
Пожарна
Итна помош
ЕУ парламент
Брит. парламент	Град Лондон и Град Вестминстер
Лондонско собрание	Западен Центар
Список на места: ОК • Англија • Лондон

За други значења на поимот, погл. Вестминстер (појаснување).

Вестминстер (анг. Westminster) — реон во централниот дел на Лондон, Англија, кој се наоѓа во рамките на Град Вестминстер. Тука се наоѓа Вестминстерската палата како и Британскиот парламент.

Вестминстер се наоѓа југозападно од Сити и 0,8 км југозападно од Черинг Крос.

Историја

Историски името на местото се користело за околината на Вестминстерската опатија – Западниот Минстер (манастирска црква), по која овој регион го добил името – која е седиште на властите на Англија веќе илјада години. Името се користи и за поголемиот Град Вестминстер во кој од 1965 спаѓаат и некогашните околии Св. Мерилебон и Падингтон.

Историската срцевина на Вестминстер е некогашниот остров Торни на кој е изградена опатијата. Таа станала традиционалното место за крунисување на кралевите на Англија. Соседната Вестминстерска палата станала главната кралска резиденција по норманските освојувања на Англија во 1066, а потоа била и дом на Парламентот и судовите во развој. Иако монархот има силно присуство во Град Лондон во облик на Лондонската кула, тој впрочем не живеел таму (заради нечистата и нездрава околина). Така Лондон добил две засебни средишта – стопанско во Град Лондон и политичко/културно во Вестминстер, каде бил кралскиот двор. Оваа поделба е мошне очигледна и денес.

Подоцна монархијата се преселила во дворци по другите делови на градот, а судовите Кралските Судови, близу границата со Град Лондон. Овој реон и денес е административен центар, со Парламентот во Вестминстерската палата, а реиси сите други владини институции во и околу Вајтхол. Така, зборот „Вестминстер“ се користи како кратенка за Парламентот и политичката заедница на Обединетото Кралство. Како резултат на тоа, зборот се користи и за таканаречениот Вестминстерски модел на парламентарно демократско управување кој се развбил тука. Овој модел е прифатен од разни земји, особено оние од Комонвелтот и други земји во состав на некогашната Британска Империја.

Надворешни врски

• Прошетки низ Вестминстер - водич од книга Архивирано на 22 февруари 2006 г. (англиски)