Владимир Јанковски

Владимир Јанковски — македонски писател.

Владимир Јанковски - македонски писател

Животопис

Јанковски работел како уредник во издавачката куќа „Темплум“, а потоа преминал во издавачката куќа „Магор“. Се појавува прилично доцна на македонската книжевна сцена, и тоа како прозаист и како критичар, истражувач, преведувач, промотор и организатор на книжевни манифестации. Основни творечки опсесии на Јанковски се љубовта и градот, урбаноста. Во таа смисла, тој е дел од генерацијата кои целосно ги отфрлија големите, историски, мета наративни или постмодернистички теми и кои во својот фокус го имаат секојдневниот живот. Притоа, тој е под големо влијание на надреализмот и најревносен ученик на Влада Урошевиќ.^[1]

Книжевно творештво

Владимир Јанковски е автор на следниве прозни дела:

• роман, „Вечно сегашно време“ (2010)
• роман, „Невидливи љубови“ (2015)
• книга со фото есеи, потпишана заедно со фотографот Иван Блажев. (2015)^[1]
• роман, „Скриени желби, немирни патувања“ (2020)
• разговори со Влада Урошевиќ - Кабинет на чуда со ѕидови од огледала (2023)^[2]
• роман „Ехото на акробатите“ (2024)

Награди

• 2024 - Награда „Пегаз“, за најдобар необјавен роман на годината во Македонија, за романот „Ехото на акробатите“^[3]
• 2021 - „Роман на годината“ на фондацијата „Славко Јаневски“ за „Скриени желби, немирни патувања“
• 2016 - „Рациново признание“ за „Невидливи љубови“^[4]
• 2015 - Избран за македонски претставник за меѓународната награда „Балканика“, со романот „Невидливи љубови“.^[5]