Владимир Темелков

Владимир Темелков (роден на 26 март 1980 во Титов Велес) ― македонски поранешен ракометар.

Владимир Темелков

Лични податоци
Роден(а)	26 март 1980(1980-03-26) (45 г.) Титов Велес, СР Македонија, СФРЈ
Националност	Македонец
Спорт	Ракомет
Висина	1.86 м
Тежина	88 кг
Позиција	Десно крило
Клупски податоци
Младински клубови
	Борец
Сениорски клубови
1998–2003 2003–2005 2005–2008 2008–2009 2009–2011 2011–2024	Пелистер Фулинген Вилштад-Ортенау Ортенау Балинген Кјеринг
Репрезентација
	Македонија	78 (243)

Кариера

Темелков ја започнал својата кариера во својот роден град Велес, во Борец, од кај што преминал во Пелистер во кој одиграл вкупно пет сезони и бил дел од составот на Пелистер кој играл финале во ЕХФ Челинџ купот во сезоната 2001/02.

Тој започнал интернационална кариера во 2003 година, потпишувaјќи договор со бундеслигашот Фулинген, каде што се задржал две сезони. Следно, тој одиграл четири сезони во дресот на второлигашот Ортенау, пред повторно да се врати во првата Бундеслига, во дресот на Балинген, каде што играл од 2009 до 2011 година.

Во сезоната 2011/12, Темелков се преселил во луксембуршката лига, потпишувајќи за Башараж, кој подоцна го сменил името во Кјеринг. Во дресот на клубот, тој два пати бил првак на Луксембург, во 2014 и 2018 година, и два пати го освоил купот на Луксембург, во 2015 и 2016 година. По 14 сезони во Кјеринг, тој ја завршил својата кариера на 44-годишна возраст.^[1]

Темелков бил дел од составот на македонската репрезентација на Светското првенство 2009 во Хрватска. Тој исто така бил дел од составот на репрезентацијата која го освоила петтото место на Европското првенство 2012 во Србија. Негово последно големо натпреварување во македонскиот дрес било Светското првенство 2013 во Шпанија.