Герасим Огнанов

Герасим Огнанов-Петканчин (Банско, 1885 — Арџан, Кукушко, 1912 ) — македонски револуционер, учител, најпрво врховистички четник, а потоа се префрлил во МРО.^[1]

Герасим Огнанов
Роден	1885 година Банско, Солунски Вилает, Османлиско Царство
Починал	октомври 1912(1912-10-00) (возр. 26–27) Арџан, Солунски Вилает, Османлиско Царство Убиен по наредба на Тодор Александров

Животопис

Четата на Петар Самарџиев, во која се наоѓал и Герасим Огнанов (втор ред, прв од лева страна).

Се школувал во Военото училиште во Софија, кое го напуштил и го завршил Американското училиште во Самоков. За време на Илинденското востание, тој учествувал во четата на врховистичкиот војвода Јурдан Стојанов. Преминал во ТМОРО во четата на Пешо Самарџиев во Тиквешко. Станал малешевски околиски војвода во 1907 година. Во времето по Младотурската револуција се занимавал со трговија во Солун.^[1]

Меѓу тогаш позабележителните жртви на веќе започнатите меѓусебни истребувања на кадрите во ВМРО, кои нешто подоцна ќе добијат грозоморни размери, бил и Герасим Огненов. Тој бил убиен во 1912 година во Аржинското блато, по наредба на Тодор Александров.^[2]