Гимназија „Панче Попоски“ - Гостивар

СОУ „Гостивар“ — гимназиско средно училиште во Гостивар, Општина Гостивар. До 2006 година, училиштето го носело називот „Панче Попоски“.

СОУ „Гостивар“
Училиштето во 2022 година
Место
Општина:	Гостивар
Место:	Гостивар
Адреса:	ул. „Ристо Оџаклиески“ б.б.
Основни информации
Настава на:	македонски, турски и албански
Контактни информации
тел.	042 272 052[1]

Историја

Основање

Името на училиштето било во чест на Панче Попоски (1924-1944) кој бил македонски комунист, учесник во НОВ, народен херој. Гимназијата „Панче Попоски“ е основана со одлука на Собранието на Општина Гостивар во 1960 година и започнало со работа од учебната 1960/61 со две паралелки, на македонски и албански јазик, со по 35 ученици. Првата генерација на матуранти била од учебната 1963/64 година.^[2]

2000-ти

До учебната 2004/2005, во гимназијата „Панче Попоски“ биле реализирани исклучиво Наставниот план и програмите за средно гимназиско образование. Врз основа на донесената одлука од страна на Министерството за образование и наукa (04 ноември 2004 година), во рамките на гимназијата „Панче Попоски“, од учебната 2004/2005 биле реализираат и Наставните планови и програмите за одредени образовни профили од средното стручно медицинско училиште.^[2]

Со одлука на Управниот одбор на училиштето од 8 март 2006 година, гимназијата „Панче Попоски“ била преименувана во СОУ „Гостивар“.^[2]

Во тој период, во рамките на гимназиското образование биле реализирани наставните планови и програми за реформирано гимназиско образование, односно за природно-математичко и општествено-хуманистичко подрачје. Во рамките на стручното медицинско образование се реализираат наставниот план и програмите за здравствена струка – медицинска сестра-техничар.^[2]

Во учебната 2006/07, бројот на ученици бил 2,862. Тие биле распоредени во вкупно 82 паралелки, од кои 59 гимназиски паралелки и 23 медицински паралелки (7 од гимназиските паралелки биле во Неготино, додека 7 во Ростуше).^[2]

Галерија

• 
  Влезот на училиштето
• 
  Влезот на училиштето
• 
  Училиштето гледано од улица

Поврзано

• СОМУ „Гостивар“