Говедар

Говедар^[1][2] или воловар^[3][4] — назив за човек чие занимање било да чува говеда. Ова занимање се појавило во најрани времиња и сè уште постои денес во некои области каде што е развиено сточарството.

За занимањето

Денес, повеќе не може да се видат ливади и ниви со стада говеда. Во минатото, говедата, коњите и свињите биле истерувани од шталите и оборите за да пасат. За говедата потоа се грижел говедар или кравар. Говедарот обично чувал добиток што им припаѓал на други луѓе, на еден или повеќе сопственици.^[5]

Рано наутро, говедарот ги собирал говедата од домаќинствата и ги терал на пасење. Вратите од шталите ги отворале старите лица и децата и говедата потоа му се придружувале на крдакот. Говедарот бил одличен познавач на грлата што ги чувал - го познавал секое говедо, знаел која крава е стелна.^[5]

Во случај на поголем крдак говедарот не можел сам да го чува, па затоа ангажирал помошници. Помошниците биле помлади од говедарите.^[5]

Во Македонија

Во Македонија селски говедари се главувале (се најмувале) во време кога стоката се пасела, од Ѓурѓовден до Митровден. За ова време се главувале и момоци, овчари и козари, а се избирале одборници, полјаци и протуѓери.^[6]

Галерија

• 
• 
• 

Поврзано

• Говедарство