Граничево

Граничево или Гранич (грчки: Κρυονέρι, Крионери; до 1927 г. Γκερμίτς, Гермиц^[2]; до 1949 г. Κρύα Νερά, Крија Нера^[3]) — село во Општина Лагадина во Солунскиот округ, Егејска Македонија, денес во областа Централна Македонија, Грција. Населението брои 727 жители (2021).

Граничево Κρυονέρι
Граничево
Местоположба во областа Граничево Местоположба на Граничево во Солунско и областа Централна Македонија
Координати: 40°48′N 23°16′E
Земја	Грција
Област	Централна Македонија
Округ	Солунски округ
Општина	Лагадина
Општ. единица	Сухо
Надм. вис.	&10000000000000603000000603 м
Население (2021)[1]
• Вкупно	727
Час. појас	EET (UTC+2)
• Лето (ЛСВ)	EEST (UTC+3)

Географија и местоположба

Селото се наоѓа на 23 километри од градот Лагадина на Богданска Планина. Селото се наоѓа на надморска височина од 603 метри.

Историја

Во XIX век Граничево е турско село, кое припаѓало кон Лагадинската каза на Отоманското Царство. Според статистиката на Васил К’нчов („Македонија. Етнографија и статистика“) Грамничево во 1900 година имало 700 жители Турци^[4].

Во текот на Втората балканска војна, селото било окупирано од страна на грчките војски^[5]. По крајот на Балканските војни, селото било вклучено во составот на Грција.

Според Лозанскиот договор, во селото било населено грчко население од Мала Азија, Источна Тракија и Понд, додека муслиманското население било принудено да си замине од селото. Во 1927 година, селото било преименувано во Крионери.^[6]