Гребен

Гребен — подводна или надводна височина на морското дно во плитка вода. Се образува со уништување на карпести дна и брегови или како последица на растење на колонии на корали, некои алги и други гребенообразувачки организми.^[1]

Корални гребени во плитководното крајбрежје на градот Ресифе, Бразил.

Многу гребени се образуваат со абиотски процеси — таложење на песок, ерозија на откриените карпи и други природни процеси — но најпознатите гребени се коралните гребени на тропските води, образувани од растот на колониите на гребенообразувачките организми, преовладувани од корали и варовнички алги. Во овој поглед, гребените биолошки се определуваат како локализирани, плитки структури отпорни на бранови, изградени од организми што лачат вар и лежат на основните образувања од кои тие јасно се разликуваат.^[2][3] Подоцна, овој поим почнал да се користи во геологијата за означување на палеонтолошки карпи образувани од организми со варовнички скелети.^[4]