Грло

Во анатомијата на 'рбетниците, грлото е предниот дел на вратот, внатрешно поставен пред прешлените. Ги содржи голтникот и гркланот. Важен дел од него е епиглотисот, кој го одвојува хранопроводникот од душникот, спречувајќи храна и пијалаци да се вдишуваат во белите дробови. Грлото содржи различни крвни садови, фарингеални мускули, назофарингеален крајник, крајници, палатинска увула, душникот, хранопроводникот и гласните жици.^[1][2] Грлото на цицачите се состои од две коски, хиоидна и клучна коска. Понекогаш се смета дека „грлото“ е синоним за fauces.

Грло
Човечко грло
Рендгенска снимка го прикажува грлото, се гледа како темна лента до предниот дел на ‘рбетот
Податоци
Назнаки
Латински	gula jugulum
FMA	FMA:228738
[уреди на Википодатоците]

Содејствува со устата, ушите и носот, како и со голем број други делови од телото. Неговиот фаринкс е поврзан со устата, овозможувајќи да се створи говор, а храната и течноста да поминат низ грлото. Споено е со носот со назофаринксот на врвот на грлото, а со увото со неговата Евстахиева туба.^[3] Трахеата на грлото го носи вдишениот воздух до бронхиите на белите дробови. Хранопроводникот ја носи храната преку грлото до желудникот.^[4] Аденоидите и крајниците помагаат во спречување на инфекција и се составени од лимфно ткиво. Ларинксот содржи гласилки, епиглотис (спречување на вдишување храна/течност) и област позната како субглотичен грклан, кај децата тоа е најтесниот дел од горниот дел на грлото.^[5][6]

Jugulum е низок дел од грлото, сместен малку над градите. Поимот jugulum се рефлектира и преку внатрешните и надворешните југуларни вени, кои минуваат низ југулумот .