Ден на сите светци

Ден на сите светци (латински: Sollemnitas Omnium Sanctorum) — католички празник согласно календарот на Римокатоличката црква, а со него се празнуваат сите светци, како оние кои веќе се канонизирани, така и они што сѐ уште не се. Денот на сите светци се празнува на 1 ноември. Во православните цркви овој празник се обележува на Духовден и го означува завршувањето на велигденскиот дел од литургиската година.

Ден на сите светци
Слика од Фра Анџелико
Наречен и	All Hallows
Го празнува(ат)	римокатолицизам православие англиканство разни други протестантство[1][2]
Литургиска боја	White
Вид	christian
Датум	1 ноември (западно христијанство) неделата по Духовден (православие)
Обичаи	богослужби
Поврзано	Ноќ на вештерките 31 октомври Задушница 2 ноември Ден на мртвите 2 ноември Савин 1 ноември

Потекло

Овој празник води потекло од IV век. Првите траги на општо прославување на сите светци се забележани најпрвин во Антиохија и тоа на Духовден. Овој обичај е забележан и во 74 хомилија на свети Јован Златоуст (407 год.) и така и до ден денес се задржал во источните православни цркви.

Папата Григориј III (731 - 741) го поместил овој празник на 1 ноември со цел да може да се совпадне со древниот келтски празник Савин (ирски: Samhain) кој го означувал почетокот на Новата година. На тој начин одговорил на барањата на ирските монаси.

Во времето на Карло Велики овој празник веќе пошироко се обележувал а кралот Луј Побожниот во 835 год. го прогласил за државен празник. Одлуката за тоа била донесена на „барање од страна на папата Григориј IV со согласност од сите епископи“^[3]

Денес

Во календарот на Католичката црква, Денот на сите светци е означен како празничен ден, а во католичките земји тоа е воедно и државен празник. Во народот овој ден обично се поврзува со посета на гробиштата и уредување на гробовите, па така и со спомен на мртвите. Сепак, во Црквата Споменот на сите мртви верници или Духовден се обележува еден ден подоцна, на 2 ноември.

Освен во Католичката црква, овој ден се обележува и во Англиканската црква, како и во многу други евангелистички цркви, иако таму тој попримил други форми, во зависност од соодветната Црква.