Доларт

Доларт (германски: Dollart) или Долард (германски: Dollard) е залив помеѓу северна Холандија и Германија, од западната страна на устието на реката Емс. Најголемиот дел од заливот пресушува при осека. Дом е на разни водни птици.

Оваа статија се однесува на залив во покраината Гронинген. За холандскиот писател, погл. А. ден Долард.

Заливот на карта

Подрачјето на Доларт во 1630 г, пред создавањето на заливот. Прикажаните села исчезнале како што напредувала водата.

Исцедување и потопување

Заливот е создаден некаде помеѓу 1219 и 1413 г. со накачување на водостојот и некои поплави. Во почетокот надојдената вода не претставувала проблем бидејќи подрачјето било заштитено со насипи. Проблемот се јавил подоцна, кога насипите претрпеле напади во судирите помеѓу фризиските табори Схирингери и Веткопери. Некои историчари сметаат дека насипите се срушиле во 1413 г., потопувајќи го копното. Во 1520 г. заливот ја достигнал својата најголема површина, а меѓу овој период и XIX век заливот бил делумно заградуван и исцедуван.

Денес Доларт е мошне богат со разновидни птици и други животни што живеат околу водата.

Граничен спор

Заливот е предмет на граничен спор помеѓу Холандија и Германија, кои се разидуваат по тоа каде точно низ заливот поминува границата. Овој територијален спор добил на важност поради плановите за изградба на морскиот ветропарк „Боркум Рифгат“.^[1]

• 
  Спорната германско-холандска граница
• 
  Повраќањето на земјиште од заливот, по години
• 
  Доларт на сателитска снимка
• 
  Заливот при осека