Фризија

Фризија (западнофризиски: Fryslâncode: fry promoted to code: fy ; севернофризиски: Fraschlönj, Freesklöön, Freeskluin, Fresklun и Friislön’; затерландски: Fräislound; германски и холандски: Friesland) — крајбрежен регион во Западна Европа, поточно на југоисточните брегови на Северното Море. Фризија е традиционална татковина на Фризите, германски народ чиј јазик е фризискиот. Фризија се протега од северозападна Холандија преку северозападна Германија, па сè до границата со Данска.

За други значења на поимот, погл. Фризија (појаснување).

Фризија Fryslân
Фризиски регион Фризиски регион
Службен јазик		фризиски, германски, холандски, дански

Поделба

Фризија е поделена на три дела:

1. Фризија — покраина во Холандија или позната како „Западна Фризија“ (Западен Фризланд),
2. Источна Фризија (Источен Фризланд) во Долна Саксонија, Германија,
3. Северна Фризија (Северен Фризланд) во Шлезвиг-Холштајн, Германија.

Историја

Фризиското Кралство во својот најголем подем.

Главна статија: Историја на Фризија

Фризија се променувала драстично низ историјата, што во географска смисла поради поплави што во етничка.

Римски период

Фризите започнале да се населуваат во Фризија околу 500 г. п.н.е. Според хроничарите од тоа време, Фризите живееле на вештачки изградени мали брда.^[1] Според други извори, Фризите живееле на поголема територија покрај Северното Море.^[2] Како и да е, во тоа време Фризија ги опфаќала денешните покраини Фризија и Северна Холандија.

Фризиско Кралство

Главна статија: Фризиско Кралство

Фризиското Кралство или Голема Фризија е поранешна држава која се протегала на териториите на денешни Холандија и северна Германија, или поточно на територијата на Фризија. Основано е во 600 година и се распаднало по Битката за Боарн во 734 година кога државата била поразена и освоена од Царството на Франките.

Поврзано

Неофицијално знаме на Фризија

• Фризи
• Фризиски Острови
• Фризиски јазици
• Фризиско Кралство