Долно Свиларе

Долно Свиларе — село во Општина Сарај, во околината на градот Скопје.

Долно Свиларе
Долно Свиларе Местоположба на Долно Свиларе во Македонија Долно Свиларе на карта
Координати 42°1′42″N 21°17′8″E
Општина	Сарај
Население	2.174 жит. (поп. 2021)[1]
Шифра на КО	25040
Надм. вис.	388 м. м
Долно Свиларе на општинската карта Атарот на Долно Свиларе во рамките на општината
Долно Свиларе на Ризницата

Географија и местоположба

Селото се наоѓа во западните предели на Скопската Котлина, северно од Вардар.

Историја

Во XIX век, селото е дел од нахијата Кара Даг во Скопската каза во Отоманското Царство.

Население

Население во минатото

Година Нас. ±% 1948 783 —     1953 885 +13.0% 1961 909 +2.7% 1971 1.123 +23.5% 1981 1.435 +27.8%	Година Нас. ±% 1991 3 −99.8% 1994 1.725 +57400.0% 2002 2.010 +16.5% 2021 2.174 +8.2%

Според опширните османлиски дефтери за населението на Скопската Каза од 1832/33 година, селото било мешано со христијанско и муслиманско население, каде имало 5 христијански^[2] и 27 муслимански^[3] домаќинства. На овој попис биле забележани 23 мажи христијани, без новороденчиња и 89 мажи муслимани со 10 новороденчиња. Исто така биле забележани 13 мажи муслимани кои тазе се доселиле во селото. Се проценува дека селото во тој период имало 270 жители.

Стефан Верковиќ во 1857 го бележи со 236 жители.^[4]

Според статистиката на Васил К’нчов („Македонија, Етнографија и статистика“) од 1900 година, во Долно Свиларе вживееле 330 жители, сите Албанци.^[5]

Како село со албанско население било означено и од страна на Леонард Шулце Јена во 1927 година.^[6] Исто така, слични податоци дава и Афанасиј Селишчев во 1929 година.^[7]

Според германска карта издадена во 1941 година, а заснована на пописот на Кралството Југославија во 1931 година, селото имало 600 Албанци.^[8]

На пописот од 2002 година, селото имало 2.010 жители, од кои 1.998 Албанци и 6 Македонци и 6 останати.^[9]

Според последниот попис од 2021 година, во селото живееле 2.174 жители, од кои 2.128 Албанци и 46 лица без податоци.^[10]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	150	—	783	885	909	1.123	1.435	3	1.725	2.010	2.174

Извор за 1900 г.: Македонија. Етнографија и статистика.^[11]; за 1905 г.: La Macédoine et sa Population Chrétienne.^[12]; за 1948-2002 г.: Државен завод за статистика на РМ.^[13]; за 2021 г.: Државен завод за статистика на РМ.^[14]

Родови

Долно Свиларе е албанско село.

Според истражувањата од 1948 година, родови во селото се:

• Доселеници: Паровски (3 к.) најстар род во селото. Точно не знаат од каде се доселени; Матњан (8 к.) и Нел (9 к.) доселени се од областа Мат во северна Албанија; Лика (5 к.) доселени се од северна Албанија; Јажинц (11 к.) доселени се од тетовското село Јажинце. Таму се доселени од северна Албанија. Они потекнувале од Красниќи; Шаин (9 к.) доселени се од северна Албанија; Дишолар (11 к.) доселени се од северна Албанија; Љугаџи (3 к.) доселени се од некое село Љугаџи во Љума; Дано (7 к.) потекнуваат од фисот Бериша во северна Албанија; Шерифоски (5 к.), Зеќиролар (6 к.), Љоц (4 к.) и Џеколар (2 к.) сите се доселени од северна Албанија.^[15]

Културни и природни знаменитости

Археолошки наоѓалишта^[16]

• Селиште — населба од римското време

Поврзано

• Општина Сарај
• Скопје