Драги Сетинов

Драги Сетинов (роден на 13 февруари 1961 , во Скопје) — југословенски и македонски фудбалски тренер и поранешен фудбалер, играч од одбраната.

Драги Сетинов
Лични податоци
Полно име	Драган Сетинов
Роден на	13 февруари 1961(1961-02-13) (64 г.)
Роден во	Скопје, НР Македонија, СФРЈ
Држава	Југославија Македонија (од 1991)
Играчки податоци
Позиција	одбрана
Повлекување	1992 (31 г.)
Кариера*
Години	Клуб	Наст.†	(Гол.)†
1981–1982	Победа	27	(1)
1982–1986	Вардар	117	(14)
1986–1991	Хајдук Сплит	106	(3)
1991–1992	Етникос Пиреја	15	(2)
Репрезентација
1984	Југославија 21	1	(0)
Раководител на екипите
2000	Вардар
2009–2010	Вардар    (тех. директор)
2010–2011	Вардар    (претседател)
2011–2012	Тетекс
2013	Локомотива Скопје

Кариера

Клупска кариера

Кариерата ја започнал во 1981 година во Победа од Прилеп, со која одиграл само една сезона во која забележал 27 натпревари и постигнал еден гол. Во 1982 година, преминал во Вардар, каде одиграл пет сезони и забележал преку 100 настапи. Во 1986 година, се сели во Хајдук Сплит, за кој дебитирал на 10 август истата година во првенствениот натпревар против Риека. Веќе во првата сезона со клубот го освоил и својот прв трофеј во кариерата, Купот на Југославија, совладувајќи ја во финалето токму Риека по изведување на пенали. Во 1988 година го освоил Трофејот Били како најдобар играч избран од Слободна Далмација.^[1] Во Хајдук останал до 1991 година, освојувајќи во својата последна сезона со клубот уште еден Куп на Југославија, овојпат после победа над Црвена ѕвезда во финалето со 1-0, во последното издание на натпреварувањето. Во 1991 година, заминал во грчкиот клуб Етникос Пиреја, каде ја одиграл својата последна сезона во кариерата.^[2]

Репрезентативна кариера

Иако бил повикуван во репрезентацијата на Југославија, Сетинов никогаш не настапил за неа во официјален натпревар.^[3]

Титули

Хајдук Сплит

• Куп на Југославија : 2

1986-1987, 1990-1991