Еагар

Еагар (грчки јазик: Οἴαγρος) е личност од старогрчката митологија.

Митологија

Бил тракијски крал, син на Ареј или Хароп.^[1] Некои извори како негови родители ги споменуваат Пијер и нимфата Метона.^[2] Му се придружил на Дионис на неговиот поход на Индија, но пред сè останал запаметен како татко на Орфеј.^[1] Како мајка се споменува музата Калиопа^[3] и Полихимнија^[4]. Со една од нив,го имал и синот Лин, а му се припишува за син и Марсија, кој го имал со Хијагнида.^[1] Бил миленик на музите.^[2] Орфејовите сестри некогаш се нарекувале Еагриди, што значело музи.^[5] За Еагар пишувале Аполодор, Диодор, Хигин и Нон.^[1]