Еремија I Цариградски

Еремија I (грчки: Ιερεμίας Α΄, починал во 1546 г.) двапати бил Вселенски патријарх, од 1522 до 1524 и од 1525 до 1546 година.^[1]

Еремија I
Цариградски патријарх
Црква	Цариградска патријаршија
На служба	31 декември 1522 - април/мај 1524 24 септември 1525 - 13 јануари 1546
Претходник	Теолепт I Јоаникиј I
Наследник	Јоаникиј I Дионисиј II
Лични податоци
Починал	13 јануари 1546 Враца
Претх. служба	Архиепископ на Софија

Живот

Еремија се родил во Зица во Епир^[2] и израснал без настава.^[3] Тој станал архиепископ на Софија во или пред 1513 година.^[4] На 31 декември 1522 тој станал цариградски патријарх.^[5]

Набрзо по неговото избирање, тој патувал во Кипар, Египет, Синај и Палестина. За времепрестојот во Ерусалим, свештенството и првенците на Цариград го депозиционирале во април или мај 1524 и на негово место го избрале митрополитот на Созопол, патријархот Јоаникиј I. Еремија реагирал и заедно со патријасите на Александрија и Антиохија кои ги повикал во Ерусалим, го изопштил Јоаникиј.^[6] Тој бил вратен во Цариград на 24 септември 1525 година.^[1]

Во 1537 Еремија постигнал, кај султанот Сулејман Величествениот, да се запре претворањето на црквите во џамии во Цариград, но оваа одлука не била прифатена од Сулејмановите престолонаследници.^[7] Еремија починал на 13 јануари 1546 во градот Враца, додека патувал кон Влашка.