Еро

Еро (француски: Hérault, окситански: Erau) — департман во регионот Окситанија, јужна Франција. наречен е по реката Еро која тече низ него. Седиште на департманот е градот Монпелје.

Еро Hérault
департман
Управата на Еро во Монпелје
Грб
Местоположба на Еро во Франција
Држава	Франција
Регион	Окситанија
Префектура	Монпелје
Потпрефектури	Безје Лодев
Управа
• Претс. на советот	Андре Везине (СП)
Површина1
• Вкупна	6.101 км2 (2,356 ми2)
Население (2013)
• Вкупно	1.092.331
• Ранг	20.
• Густина	180/км2 (460/ми2)
Час. појас	CET (UTC+1)
• Лето (ЛСВ)	CEST (UTC+2)
Деп. бр.	34
Окрузи	3
Кантони	25
Општини	343
^1 Податоци од Катастарот на Франција, каде не се вброени устијата, езерата, барите и ледниците поголеми од 1 км2

Историја

Ова е еден од изворните 83 департмани создадени со Француската револуција на 4 март 1790 г. Издвоен е како дел од дотогашната покраина Лангдок.

На почетокот на XX век, лозарството во департманот настрадало од мала побарувачка и распространети лозови заболувања. На бунт се кренале илјадници малостопанственици, но биле сурово задушени од власта на Жорж Клемансо.

Во 1956 г. маслинарството настрадало од катастрофални мразови и предизвикале штета која се поправила дури во 1980-тите. Поради ова дошло до затворање на многу маслинарски кооперативи.

Во втората половина на XX век, низината на Монпелје доживеала огромен подем на населението.

Географија

Еро му припаѓа на регионот Окситанија и е обиколен со департманите Од, Тарн, Аверон, Гар и Средоземното Море (Лиоснкиот Залив) на југ. Се одликува со голема географска разновидност: на југот има плажи, на северот е планинскиот венец Севени, а помеѓу нив се протегаат земјоделските предели.

Поважни реки се Орб, Еро и Видурл.

Градот Лодев е географски антипод на Четемскиот Остров источно од Нов Зеланд.

Клима

Христос во ранохристијанска камена резба на саркофаг од Еро. VI век.

Просечната дневна температура во Еро изнесува 25-30 °C во јули и август, а 8-10 °C во декември и јануари.

Култура

Во Монпелје се одржуваат следниве манифестации:

• Детски фестивал (Saperlipopette, voilà Enfantillages!)
• „Пролет на комичарите“ (Printemps des Comédiens)
• Фестивал на средоземниот филм (Festival du Cinéma Méditerranéen)
• „Комедија на книгата“ (Comédie du Livre)
• Фестивал на Радио Франција Монпелје (Festival Radio-France Montpellier)
• Танцов фестивал (Festival Montpellier Danse)
• „Го сакам техното Европа“ (I Love Techno Europe)

Јужниот Канал (Канал ди Миди) е прогласен за светско наследство на УНЕСКО.

Туризам

Најголема улога во туризмот на Еро играат плажите, но популарни се и пештерите Кламус и Демоазел.

Поранешниот кралски град Пезенас е едно од најстарите заштитени градски подрачја во земјата со преку 30 забележителни зданија, камени скалила, дворови и украсени фасади — сето на површина од само 17 ха.

Кап Дагд во Агд има големо нудистичко одморалиште.

Популарни се крстарењето по Јужниот Канал, како и возењето велосипедии пешачењето по кејот.

• 
  Агд
• 
  Перадскиот Канал
• 
  Славолакот „Перу“ во Монпелје
• 
  Безје
• 
  Рокбрен и реката Орб
• 
  Мурез
• 
  Кајаци на реката Еро

Поврзано

• Општини во Еро
• Кантони од Еро
• Окрузи во Еро
• Еро (река)

Надворешни врски

„Еро“ на Ризницата ?

• Управен портал на Еро (француски)
• Генерален совет на Еро (француски)
• Туристички портал на Еро (англиски)
• Јужен Канал Архивирано на 29 октомври 2020 г. (англиски)