Живко Поповски (партизан)

Не треба да се поистоветува со Живко Поповски.

Живко Јорданов Поповски ( 1926 Бањане ― 12 април 1945 во Илинци) — македонски партизан, револуционер, борец за слобода на Македонија и учесник во НОВ.^[1]

Спомен-плоча од НОБ во Бањани, на која се наоѓа името на Живко Поповски

Живко Поповски
Роден	1926 година Бањанe, Кралство СХС
Починал	12 април 1945 година Илинци, Независна Држава Хрватска
Почивалиште	Гробиштата во Бањане
Народност	Македонец

Животопис

Израснат е во слабо имотно селско семејство. Во есента 1944 година кога на Скопска Црна Гора, била основана Шеснаесеттата македонска ударна бригада, населението и укажувало сестрана помош и масовно и се приклучувало. Тогаш и Живко пристапил во нејзините редови и во состав на истата учествувал во борбите против Германците и балистите. По ослободувањето на Скопје зел учество и во ликвидирањето на балистичките банди на Косово. Учествувал во пробивот на Сремскиот фронт и во јуришот кај Илинци, бил застрелал и загинал на 12 април 1945 година. Посмртните останки му биле пренесени и закопани во родното село Бањани.^[1]