Жетва

Жетва — постапка на собирање на узреаните посеви од полињата. Чинот на сечење на житарки или зрнести растенија се нарекува „жнеење“ ^[1] и се врши со рачни орудија (коса, срп) или со механизација (жнеалка или комбајн). ^[2] Жетвата го означува крајот на сезоната на узревање на посевот и истата има големо културно значење во народниот живот во сите земји. Најзначајни се жетвените празници и обичаи на кои се прославува бериќетната година, се благословува земјата и се изразува благодарност.

Жетва со комбајн.

Жетва на рака. Русија, 1910

Кај малите земјопоседници, жетвата се одвива со рачни орудија, а големите полиња се жнеат исклучиво со машини, т.е. автоматизирана земјоделска машинерија како што е комбајнот. Под поимот „жетва“ може да се подразберат и активностите непосредно по сечењето на растенијата како разладување, сортирање, чистење и пакување до моментот кога истите одат за откуп.

Македонски жетварски песни

• „Ѕвездо, т’нка и висока“^[3]
• „Ветар повеја, достум Стано“^[4]
• „Заплакала ми голема нива“^[5]

Жетвата како мотив во уметноста и во популарната култура

• „Жетва“ — песна за деца на хрватскиот поет Григор Витез.^[6]
• „Жетва“ — песна на македонскиот поет Јован Котески. ^[7]
• „Жетвениот дар“ — песна на ирскиот поет Шејмас Хини.^[8]
• „Жетва“ (англиски: Harvest) — песна од истоимениот музички албум на американскиот рок-музичар Нил Јанг (Neil Young) од 1972 година. ^[9]

Поврзано

• Жетвени обичаи и празници
• Жнеалка
• Вршење
• Веење
• Комбајн
• Берба
• Гроздобер