Знаме на Зимбабве

Знамето на Зимбабве е официјално знаме на оваа африканска држава, усвоено на 18 април 1980 година. Знамето е составено од седум хоризонтални ленти во зелена, жолта, црвена и црна боја. На прицврстениот дел има бел триаголник со црна граница, а во него има голема црвена петокрака и птица зимбабве во златна боја над неа. Птицата зимбабве е статуетка на птица која може да се најде на рушевините на Големо Зимбабве и таа ја симболизира историјата на нацијата, додека петокраката ја симболизира револуционерната борба за ослободување и мир.

Знаме на Зимбабве

Употреба	државно и пловно знаме
Сразмер	1:2
Усвоено	18 април 1980
Опис	седум хоризонтални ленти со бел триаголник на прицврстениот дел со ѕвезди и птица.

Елементи

Официјално, боите симболизираат:

• зелена - земјоделието и руралните предели на Зимбабве,
• жолта - минералните богатства,
• црвена - крвта пролеана за време на војните,
• црна - наследството и етничката припадност на Африканците,
• бел триаголник - мир,
• птица зимбабве - национален симбол,
• црвена ѕвезда - надеж за подобра иднина.

Поврзано

• Зимбабве
• Грб на Зимбабве
• Знаме на Родезија