Ивана Вулета

Ивана Вулета (родена Шпановиќ) (родена на 10 мај 1990) — српска атлетичарка која се натпреварува во дисциплината скок во далечина. Таа е моментален европски шампион во сала во својата дисциплина.

Ивана Шпановиќ

Шпановиќ во 2022 година
Лични податоци
Националност	Србинка
Роден(а)	10 мај 1990(1990-05-10) (35 г.)[1] Зрењанин, СР Србија, СФР Југославија[1]
Висина	1,76 m[1]
Тежина	65 kg[1]
Спорт
Земја	Србија
Спорт	Атлетика
Дисциплини	Скок во далечина
Клуб	АК Војводина
Успеси и титули
Светски првенства	Москва 2013 Скок во далечина, 03  Бронзен Пекинг 2015 Скок во далечина, 03  Бронзен Лондон 2017 Скок во далечина, 4-та 2022 Јуџин Скок во далечина, 7-ма Будимпешта 2023 Скок во далечина, 01  Златен
Олимписки игри	Пекинг 2008 Скок во далечина, 30-та (кв) Лондон 2012 Скок во далечина, 8-ма Рио де Жанеиро 2016 Скок во далечина, 03  Бронзен Токиа 2020 Скок во далечина, 4-та
Најв. светски ранг	1-ва (2023)
Лични рекорди	Скок во далечина: 7.14 m (23 ст 5 ин) ДР (Будимпешта 2023) Во сала Скок во далечина: 7.24 m (23 ст 9 ин) ДР (Белград 2017)
Освоени медали Атлетика за жени Натпреварувач за  Србија Натпреварување 1  2  3  Олимписки игри 0 0 1 Светски првенства 1 0 2 Светски првенства во сала 2 1 1 Европски првенства 2 1 0 Европски првенства во сала 3 0 1 Вкупно 8 2 5 Олимписки игри Рио де Жанеиро 2016 Long jump Светски првенства Будимпешта 2023 Скок во далечина Москва 2013 Скок во далечина Пекинг 2015 Скок во далечина Светски првенства во сала Бирмингем 2018 Скок во далечина Белград 2022 Скок во далечина Портланд 2016 Скок во далечина Сопот 2014 Скок во далечина Европски првенства Амстердам 2016 Скок во далечина Минхен 2022 Скок во далечина Цирих 2014 Скок во далечина Европско првенство во атлетика во сала Прага 2015 Скок во далечина Белград 2017 Скок во далечина Глазгов 2019 Скок во далечина Истанбул 2023 Скок во далечина Дијамантска лига 2016 Скок во далечина 2017 Скок во далечина 2021 Скок во далечина 2022 Скок во далечина Континентален куп Маракеш 2014 Скок во далечина Медитерански игри Тарагона 2018 Long jump Универзијада Белград 2009 Скок во далечина Европски првенства Д23 Острава 2011 Скок во далечина Светски младински првенства Бидгошч 2008 Скок во далечина Европски младински првенства Нови Сад 2009 Скок во далечина Светски младински првенства Острава 2007 Скок во далечина Европски младински олимписки фестивал Белград 2007 Скок во далечина Белград 2007 4x100 m штафета

Во 2013 година, таа станала првата српска атлетичарка која освоила медал на Светско првенство. Таа е сопственик на српските рекорди во дисциплините: скок во далечина (на отворено и во сала), 60 метри во сала и седмобој.

Шпановиќ е актуелна европска шампионка од првенствата на отворено и во сала. Нејзин тренер е Горан Обрадовиќ и таа е член на атлетскиот клуб Војводина од Нови Сад.^[2]

Кариера

Ивана Шпановиќ

Првиот медал во кариерата Шпановиќ го освоила на Светското кадетско првенство во 2007, каде со прескокнати 6.41 метри го освоила сребрениот медал. На Светското јуниорско првенство во 2008, таа го освоила златниот медал откако успеала да прескокне 6.61 метри, а веќе следната година се закитила и со златниот медал на Летната универзијада која се одржала во Белград. Шпановиќ исто така била успешна и на Европското јуниорско првенство кое се одржало во Нови Сад, на кое таа успеала да го подобри својот личен рекорд на 6.71 метри со што го освоила сребрениот медал.

На Летните олимписки игри 2012 во Лондон, Шпановиќ успеала да се пласира во финалето во дисцииплината скок во далечина, но во него завршила на последното 11. место.

Во 2013, таа настапила на Европското првенство во сала и завршила на петтото место. На Светското првенство 2013 таа го остварила најдобриот резултат во кариерата дотогаш, освојувајќи бронзен медал со нов државен рекорд од 6.82 метри. Олимпискиот комитет на Србија поради одличниот резултат ја прогласил Шпановиќ за спортистка на годината.

Одличните резултати Шпановиќ ги продолжила на Светското првенство во сала 2014 каде го освоила бронзениот медал. На Европското првенство 2014 таа прескокнала 6.81 метри со што го освоила сребрениот медал. Таа исто така остварила нов личен најдобар резултат од 6.88 метри на митингот од дијамантската лига во Јуџин.

Во 2015 година, таа го освоила својот прв сениорски златен медал, на Европското првенство во сала 2015, во Прага, прескокнувајќи нов државен рекорд од 6.98 метри. На Светското првенство 2015, таа го освоила бронзениот медал постигнувајќи нов сопствен и државен рекорд од 7.02 метри.

Во 2016 година, во текот на сезоната во сала, Шпановиќ го освоила сребрениот медал на Светското првенство во сала подобрувајќи го својот државен рекорд двапати, 7.00 (во првата серија) и 7.07 (во петтата серија). Таа константно била во водство во сите серии на скокови но го загубила златниот медал во шестата серија на скокови кога американката Бритни Рис прескокнала 7.22 метри. Во сезоната на отворено, Шпановиќ најпрво го освоила златниот медал на Европското првенство со прескокнати 6.94 метри, а потоа на Летните олимписки игри 2016 го освоила бронзениот медал со нов државен рекорд од 7.08 метри. Овој медал бил прв медал за Србија во атлетика по шеесет години.

Во 2017 година, таа го освоила златниот медал на Европското првенство во Белград, прескокнувајќи 7.24 метри, скок кој е трет најдолг во историјата на дисциплината, и најдобар во последните 28 години.^[3]

Лични рекорди

На отворено

Дисциплина	Резултат	Датум	Место	Рекорд
100 метри	11.90	14 јуни 2014	Сремска Митровица, Србија
Скок во далечина	7.02 м	11 септември 2016	Белград, Србија	ДР
Трискок	13.78 м	14 јуни 2014	Белград, Србија

Во сала

Дисциплина	Резултат	Датум	Место	Рекорд
60 метри	7.31	31 јануари 2015	Нови Сад, Србија	ДР
Скок во далечина	7.24 м	5 март 2017	Белград, Србија	ДР
Седмобој	4240 бода	19 јануари 2013	Нови Сад, Србија	ДР

• Појаснување: ДР - Државен рекорд