Ирци

Ирци (ирски: Muintir na hÉireann, na hÉireannaigh, na Gaeil, англиски: Irish people) се етничка група во Западна Европа, која потекнува од Ирска. Етничките Ирци живеат во повеќе земји на западот, а најмногу во англофонските (Ирска, Велика Британија, САД, Канада, Австралија). Во САД живее приближно 10 пати повеќе население од ирско потекло, отколку во Ирска. Ирците најчесто се идентификуваат како наследници на Келтите, иако многу мал дел од нив денес го зборуваат Ирскиот јазик (Gaeilge) кој припаѓа во групата Келтски јазици и се дели на повеќе дијалекти - јужен, западен и северен. Под влијание на Викинзите и Англичаните, Ирците во Република Ирска денес зборуваат варијанта на Англискиот јазик кој се нарекува Ирско-Англиски (Irish-English). Ирците се едни од првите народи во Европа кои почнале да користат презимиња. Специфични и општопознати се ирските презимиња кои започнуваат со О', на пример О'Конор, О'Брајан (O'Connor, O'Brien), со значење внук на... или потомок на... или Мек, на пример Мекарти, Мекдоналдс (McCarthy, McDonald's), со значење син на... Овие презимиња се еквивалент на Македонските - ски и ов. Бројот на Ирците во Република Ирска денес изнесува околу 4,5 милиони.

Ирци

Вкупен број
80.000.000[1]
Подрачја со значајно население
Ирска 4.500.000
САД	36.495.800[2]
Обединето Кралство	6.000.000 (25%+ со ирско потекло)[3]
Канада	4.354.155[4]
Австралија	5.900.000[5]
Аргентина	1.000.000[6]
Мексико	600.000[7]
Чиле	120.000
Германија	35.000
Франција	20.000 – 24.000
Холандија	11.308
Јазици
ирски, англиски, шкотски, шелта
Вероисповед
римокатолици (мнозинство), презвитеријанство, Црква на Ирска, Методистичка црква на Ирска, (исто така види Религија во Ирска)
Сродни народи
Шкотланѓани, Англичани
Во Обединетото Кралство живеат 800.000 луѓе родени во Ирска, а околу 14.000.000 луѓе тврдат дека имаат ирско потекло.[8]