Калиште (Клечевце)

Калиште — археолошко наоѓалиште кај селото Клечевце, Кумановско. Претставува населба од железното време. На околу 2 км североисточно од селото, а на 12,5 км источно од Куманово се издига висок рид што доминира над полето Рамниште (на источната страна), како и над утоката на Крива Река во Пчиња. Има плато во облик на неправилен триаголник кое стрмно паѓа кон северозапад, со висинска разлика од 35 м, на источната и југозападната страна заштитено со насип од земја.^[1]

„Калиште“
Местоположба	42°07′59″N 21°52′25″E
Основни податоци
Место	Клечевце
Општина	Куманово
Тип	населба
Период	железно време
Портал „Археологија“

Археолошки наоди на платото на Калиште нема, меѓутоа во поројните бразди што допираат до подножјето на ридот се среќаваат фрагменти од керамички садови, едни со орнаменти изведени со радла, сите од железното време II на Македонија.

Поврзано

• Јачински Пат — населба од римско време
• Клечевце — осамен наод од римско време
• Орловац - Рамниште — тврдина од доцноантичко време
• Црквиште — ранохристијанска базилика и римска бања