Кармина група

Кармина група група повратни неправилни месечини на Јупитер кои следат слични орбити како онаа на месечината Карма и се смета дека имаат заедничко потекло.

Нивните големи полуоски (оддалеченост од Јупитер) се движат помеѓу 22,9 and 24,1 Гм, орбиталните наклони им изнесуваат од 164,9° до 165,5°, а орбиталната занесеност им е од 0,23 до 0,27 (со еден исклучок).

Најголемите неправилни месечини на Јупитер. Местоположбата на Кармината група е означена со присуството на Карма во долниот среден дел. Хоризонталната оска означува оддалеченост од Јупитер. Вертикалната го претставува наклонот. Занесеноста е означена со жолти црти, што го претставува најголемото и најмалото растојание од Јупитер. Крукчињата ја претставуваат големината на телата.

Основни членови на групата се следниве (негативниот период означува повратна орбита):^[1][2]

Орбиталните елементи и релативните големини на основните членови на Кармината група. Хоризонталната оска е нивната просечна оддалеченост од Јупитер, вертикалната го означува орбиталниот наклон, а крукчињата се за големините.

Име	Пречник (км)	Период (денови)	Белешки
Карма	46.7	−693.17[3]	најголем член и прототип
Тајгета	5	−691.62[4]
Евкелада[5]	4	−693.02[3]
Ирена[5]	3	−743.88[6]
Халдена	4	−759.88[7]
Изоноја	4	−688.61[7]
Калика	6.9	−766.61[7]	значително поцрвена од другите
Еринома	3	−682.80[3]
Етна	3	−712.04[7]
Кала	2	−736.55[3]
Паситеја	2	−711.12[3]
S/2003 J 9 (веројатно)[5]	1	−767.60[8]

Меѓународниот астрономски сојуз ги задржува имињата кои завршуваат на -e (во меѓународен облик) за сите повратни месечини.

Потекло

Многу малата расеаност на средните орбитални елементи меѓу основните членови (групата е одделена за помалку од 700.000 км во големата полуоска и под 0,7° во наклон) упатува на тоа дека Кармината група веројатно некогаш била едно тело кое се разбило во судар. Ова се должи на многу малиот брзински импулс (5 < δV < 50 м/с).^[9] Првобитното тело веројатно било големо колку Карма, со пречник од 46 км; 99 % од масата на групата сè уште е во месечината Карма.^[10]

Во прилог на таа теза одат и боите: сите^[11] овие месечини се светлоцрвени на изглед, со бојни показатели B-V= 0,76 и V-R= 0,47^[12] и инфрацрвени спектри, слични на астероидите од типот D.^[13] Овие податоци одговараат на изворно тело од хилдското семејство или Јупитеров тројанец.