Качанички Срез

Качанички Срез — административна единица, која опстојувала во Кралството Србија и Кралството Југославија.

     Качаничкиот Срез во рамките на Кралството Србија 1913.

Организација и население

Кралство Србија

После Втората балканска војна, 1913 г. областа службено влегува во границите на Србија. Качаничкиот Срез припаѓал на Скопскиот округ, заедно со Велешкиот и Скопскиот Срез. Како центар на срезот било гратчето Качаник. Во 1913 година тој има 4 општини, со 28 села, 4 селца, едено гратче, без манастири. Градското населние изнесувало 1.236, додека селското население изнесувало 7.058 жители.^[1]

Качаничкиот Срез според пописот од 1913 година

Број	Име на општината	Број на села	Колку часа е оддалечена општината од Качаник	Жители
1	Генерал Јанковиќ	6	2:15	1039
2	Качаничка	9	0:15	3343
3	Слатинска	11	2:15	2394
4	Старо-качаничка	5	1:45	1518

Кралство СХС

Во 1921 година, срезот исто така имал 4 општини и еден град. Општината Качаник имала 4.102 жители, а качаничката околина имала 6.625 жители.

Јазик

Во срезот Качаник 97% од населението говорело арнаутски^[2], додека 2% српски или хрватски^[3].^[4]

Јазици 1921 година

Јазик	Општина Генерал Јанковиќ	Општина Качаник	Општина Слатина	Општина Стар Качаник	Вкупно	%
Арнаутски	3062	3986	2216	1202	10446	97.56
Српски или хрватски	85	106	12	44	247	2.30
Други	4	10	0	0	14	0.14

Религија

Во срезот Качаник 98% биле муслимани, додека 2% од населението било православно.^[5]

Религија 1921 година

Религија	Општина Генерал Јанковиќ	Општина Качаник	Општина Слатина	Општина Стар Качаник	Вкупно	%
Православни	85	112	12	42	251	2.33
Муслимани	3066	3988	2216	1204	10474	97.64
Други	0	2	0	0	2	0.03

Кралство Југославија

Во 1931 година, Качаничкиот Срез имал 3 општини. Тој бил дел од Вардарска бановина. Вкупното население било 12.466. Како православни се изјасниле 5% од жителите, додека како муслимани 94%.^[6]

6% од жителите говореле на македонски, српски, хрватски или словенечки^[7], додека 93% говореле на арнаутски^[2].

Во ФНРЈ и СФРЈ

По Втората светска војна, срезот престанал да постои, бидејќи бил поделен помеѓу соседните срезови.