Кимчи

Кимчи (корејски: 김치, 沈菜) — корејско јадење што се состои од зачинет кисел (ферментиран) зеленчук, првенствено кинеска зелка. За време на Олимпијадата во Сеул, Кореја забележала бум во потрошувачката на кимчи, што го прави омилено јадење и кај странците.

Кимчи

Кимчи
Вид	јадење
Место на потекло	Јужна Кореја

Што претставува кимчито

Кимчи е ферментиран зеленчук, главно зелка, и наликува на македонската кисела зелка, но со многу додадени зачини — лут црвен пипер, рибен сос, ферментирани морски плодови, ѓумбир, сок од лук и кромид, домати и друго. Се користи кинеска зелка, со додаден различен зеленчук според сезоната — зелен кромид, морков, репа, келераба, краставица и друго.^[1] Во зависност од регионот, кимчито може да се подготви на многу различни начини, со преку 200 рецепти со големо разнообразие и варијации.^[2] Јадењето се јаде во секое време од годината во Кореја и како составен дел на кој било од трите оброци во денот.