Коле Велков

Коле Велков ( 1921 во Драгожел — 12 октомври 1944 во Плетвар, прилепско) — македонски партизан, учесник во Народноослободителната војска на Македонија.^[1]

Животопис

Тој бил роден во селото Драгожел во 1921 година, а подоцна неговите родители се преселиле во Ваташа. По занимање бил земјоделец. Уште со почетокот на народноослободителното движење бил негов симпатизер и активен подржувач. Во летото 1944 година се вклучил во Десеттата македонска народноослободителна бригада. Загинал во борбите со Германците кај селото Плетвар, Прилепско на 12 октомври 1944 година.^[1]