Коста Трајковски

Коста Стјчев Трајковски ( 1925 Петровец ― 1945 во Шид/Илинци) — македонски партизан, револуционер, борец за слобода на Македонија и учесник во НОВ.^[1]

Коста Трајковски
Роден	1925 година Петровец, Кралство СХС
Починал	април 1945 година помеѓу Шид и Илинци, Независна Држава Хрватска
Почивалиште	Гробиштата во Петровец
Народност	Македонец

Животопис

Потекнува од земјоделско семејство. Завршил основно училиште, а потоа се занимавал со земјоделство и чување на добиток. На 15 септември 1944 година стапил во Шеснаесеттата македонска ударна бригада. Со својата единица учествувал во повеќе борби и акции за ослободување на Македонија. По ослободувањето на Македонија заминал за Срем. Во една битка против непријателот кај Шид-Илинци, храбро загинал во почетокот на април 1945 година. Бил закопан на местото каде што загинал, но по ослободувањето, неговите посмртни останки биле пренесени и закопани во Петровец.^[1]