Коњарска Река (Мариово)

Коњарска Река или Коњарка — река во јужниот дел на Македонија, во областа Мариово, и десна притока на Црна Река.

Коњарска Река Коњарка
Течението на реката
Местоположба
Физички особености
Извор
• место	Ниџе (под Кајмакчалан)
• надм. вис.	2.260 м
Устие
• место	Црна Река
• координати	40°58′55.1″N 21°39′43.9″E
• надм. вис.	550 м
Должина	15 км
Големина на сливот	63 км2[б 1]
Особености на сливот
Течение	Црна Река → Вардар → Егејско Море
Речен слив	Вардар

Течение

Реката извира на планината Ниџе, под врвот Кајмакчалан, на надморска височина од 2.260 м. Нејзиното корито е насочено кон запад, а целиот нејзин слив е образуван во шумски предел. Во Црна Река се влева од нејзината десна страна под ридот Врх на надморска височина од 550 м.^[2]

Хидрографија

Вкупната должина на реката изнесува 15 км. Сливното подрачје зафаќа површина од 63 км² и припаѓа на Егејскиот речен слив. Реката извира на надморска височина од 2.260 м, а нејзиниот влив е на надморска височина од 550 м, така што релативниот пад изнесува 114 ‰ и се вбројува како еден од најголемите во Македонија.^[2]

Туризам

Во непосредна близина на вливот на Коњарска Река во Црна Река, на оддалеченост од 38 км од Битола, се наоѓа излетничкото место „Коњарка“. Тоа било целосно уредено од страна на Општина Новаци и претставува едно од најпопуларните излетнички места во овој дел на Македонија.^[3] Во јули 2019 година започнало асфалтирање на патот од селото Скочивир до излетничкото место во должина од 3 км, а проектот финансиски бил поддржан од Јавното претпријатија за државни патишта во соработка со Општина Новаци.^[4]

Галерија

• 
  Коњарска Река
• 
  Течението на рекатаж
• 
  Речното корито
• 
  Околината на реката
• 
  Камења во реката
• 
  Излетничкото место „Коњарка“
• 
  Коњарска Река кај излетничкото место „Коњарка“
• 
  Реката видена од мостот кај излетничкото место

Белешки

1. Според друг извор, речниот слив зафаќа површина од 61,3 км².^[1]