Крсто Црнички

Крсто Неделков Црнички ( 1920 во Кучевиште — 1944 во Шишево) — македонски партизан, борец за слобода на Македонија и учесник во НОВ.^[1]

Крсто Црнички
Роден	1920 година Кучевиште, Кралство СХС
Починал	ноември 1944 година Шишево, ДФ Македонија, ДФЈ

Животопис

Потекнувал од сиромашно селско семејство. Основно училиште завршил во селото, а потоа се занимавал со земјоделство и сточарство. Во септември 1944 година кога во неговото село била формирана Шеснаесеттата македонска ударна бригада ѝ се приклучил во нејзините редови. Учествувал во сите борби на бригадата пpoтив балистичките сили и во дејствијата против германските моторизирани колони, во Качаничката Клисура. По ослободувањето на Скопје, ја продолжил борбата и против балистичките банди, кои се обидувале да навлезат во Скопје. Во тие борби кај Шишево, го изгубил својот живот. Неговите останки биле погребани на селските гробишта.^[1]