Крст (Таринци)

Крст — археолошко наоѓалиште во штипското село Таринци. Претставува могила од римско време ^[1],^[2]. На излезот од селото, лево од патот за селото Радање има мала височинка со вештачки зарамнето плато на кое се поставени новите гробишта. На северозападниот крај на висорамнинката се наоѓале две могили. Едната била голема, со пречник во основата од 42 м и височина од 4,60 м, а другата помала, со пречник од околу 15 м и височина од 1,80 м. Наоѓалиштето и могилите се познати во литературата од археолошките ископувања. Имено, во 1942 година И. Венедиков ја истражувал малата могила и во неа открил гроб со кремиран покојник од II век. Подоцна, од 1961 до 1963 година, во организација на Музејот од Штип и под раководство на М. и Д. Гарашанин е извршено ископување на големата могила. Во средиштето на основата е откриено богато погребување на личност со висок општествен статус – кнез, од I - II век. Најдени се две клади од кои на едната бил изгорен покојникот, а на другата колата на која бил донесен. Могилите лежат во атарот на античкиот град Баргала убициран во месноста Беш Тепе - Анче кај селото Карбинци. Наодите од кнежевската могила сечуваат во Заводот и музеј во Штип.

„Крст“
Местоположба	41°47′56″N 22°13′49″E
Основни податоци
Место	Таринци
Општина	Карбинци
Тип	могила
Период	римско време
Портал „Археологија“

Венедиков И., 1948, 90; Грбиќ; М., 1954, 115; Гарашанин М. и Д.,

Поврзано

• Вршник — населба од неолитското време;
• Таринци;
• Список на археолошки наоѓалишта во Штипско;
• Список на средновековни некрополи во Македонија.