Куќа на Дуцкиновци (Вевчани)
стара куќа и споменик на културата во Вевчани From Wikipedia, the free encyclopedia
Remove ads
Куќа на Дуцкиновци — староградска куќа во струшкото село Вевчани прогласена за значајно културно наследство на Македонија.[2]
Remove ads
Историја
Проектант на куќата е вевчанецот Митре Дуцкиноски, кој бил мајстор-градител и ја изградил заедно со својата тајфа. Изградена е во 1923 или 1929 година врз темелите на постара срушена куќа.[3]
Била прогласена за значајно културно наследство на Македонија со решение од 30 декември 2011 година од страна на Управата за заштита на културното наследство.[4]
Remove ads
Архитектура
Куќата се смета за своевиден дворец.[1] Каменот за изградбата на првиот кат е донесен од Горна Белица и е обработуван на лице место. Има приземје на кое се наоѓале дуќаните (бакалница и месарница), а на горните катови биле дневната, гостинските и спалните соби. На најгорниот кат е чардакот, кој летно време бил користен за дневен престој. Куќата е поделена на три дела со средиштен чардак,[1] еркерно изведен на дрвени греди со украс својствен на подрачјето и дрвена ограда. Приземјето е камено со тулни украси околу дрвените прозорци кои се затовраат со дрвени капаци одвнатре и метални решетки однадвор. Влезните врати на дуќаните се дрвени, со полукружно тулно украсување во средновековноримски стил.[1]
Горните катови се направени од полни тули со дрвени прозорци, исто така со тулно украсување, и тука се просториите за живеење. Меѓукатната конструкција е направена со греди од костеново дрво. Од истиот материјал е и покривната конструкција, при што самиот покрив е на две води. Од костен е и скалиштето кое ги поврзува катовите, како и сите внатрешни врати.[3]
Remove ads
Галерија
Куќата во 2013 година
Куќата во 2023 година
Куќата во 2023 година
Куќата во 2023 година
Куќата во 2023 година
Куќата во 2023 година
Куќата во 2023 година
.jpg)
Поврзано
Наводи
Надворешни врски
Wikiwand - on
Seamless Wikipedia browsing. On steroids.
Remove ads