Ламбро Патче

Ламбро Патче (23 мај 1908 во Охрид – 10 септември 1982 во Скопје) – македонски агроном и технолог.^[1]

Ламбро Патче
Роден	Ламбро Патче 23 мај 1908 Охрид, Отоманско Царство
Починал	10 септември 1982 (возраст: 74) Скопје, СФР Југославија
Националност	Македонец
Занимање	агроном, технолог

Животопис

Ламбро Патче е роден на 23 мај 1908 г. во градот Охрид, тогаш во Отоманското Царство. Гимназија завршил во Битола, а дипломира на Земјоделскиот факултет во Тулуза во 1929 година, и на Технолошкиот факултет во Бордо, Франција во 1931 г. Работел во поголем број тутунски комбинати, а од 1949 г. како доцент преминува на Земјоделско-шумарскиот факултет при УКИМ, на кој и хабилитира. Работел три години како експерт на Обединетите нации во Сирија од областа на тутунот, каде што е одликуван со заслуги за „Сирија II“.^[1]

Трудови

Објавил поголем број научни и стручни трудови од областа на тутунот^[2]:

• 1961: Придонес кон запознавањето на минералниот комплекс на македонските тутуни
• 1962: Кон запознавање материјалноста на македонските тутуни
• 1962: Застапеност на брадавиците и брадавичните бактерии кај луцерката, детелината и сојата во некои почви на СРМ
• 1966: Производство на тутун
• 1967: Влијанието на степенот на зрелоста врз некои поважни физички и хемиски својства на тутунот од типот џебел
• 1969: Зафатнинската тежина на тутунската суровина од типот отља во зависност од инсерцијата и степенот на зрелоста
• 1969: Прилог кон проучувањето на охридската "сорта" пиперка (c. annuum l. syn mexicanium h.) - романка
• 1980: Компаративни проучувања на поважните хемиски, физички и дегустативни својствана тутунската суровина од типот Отља: научноистражувачки проект
• 1987: Познавање на тутунската суровина: стокознаење