Лете

Лете — древномакедонски град во областа Мигдонија, денес во Солунско, Егејска Македонија.

Лете

Λήτη
Дервентскиот папирус, IV век п.н.е.
Место	Ајватово, Солунско
Област	Егејска Македонија, Грција
Координати	40.7151°N 22.9608°E / 40.7151; 22.9608
Вид	град
Историја
Раздобје	антика

Географија

Дервентскиот кратер во Археолошкиот музеј во Солун, 350 – 320 г. п.н.е.

Градот се наоѓал во преминот Дервент меѓу Лагадинското и Солунското Поле, низ кој денес минува магистралата „Егнатија“. Малку посеверно е македонското село Ајватово, кое во 1926 г. е преименувано во Лити согласно грчката политика на присвојување на древната историја на Македонија.^[1] Непосредно до наоѓалиштето новото село Антуполи (Антокипи) создадено од доселени Грци.

Историја

Градот е познат од монети и натписи, и споменат како Λήτη или Λητή е од Птоломеј (III, xiii), Плиниј Помладиот (IV, x, 17), Валериј Харпократион, Стефан Византиски во антиката, како и византиската енциклопедија „Суда“ и Никифор Вриениј (IV, xix) во средновековието.^[2]

Лете се појавува во некои доцни Епархиски списоци (Notitiae Episcopatuum) како викаријат на солунската католичка архиепископија. До XVIII век бил седиште на православна епископија,^[2] а во Римокатоличката црква е титуларна епархија.^[3]

Ископувања

Мошне забележителна ископина од стариот град е некрополата, сместена крај магистралата „Егнаитја“, во која се најдени познатиот Дервентски папирус и Дервентскиот кратер. Ископани се Гробницата на Макриди-бег (Лагадинска гробница), Гробницата Г, Гробницата III, Карпестата коморна гробница, како и низа гробови од типот циста.^[4]