МКБ-10

Меѓународната статистичка класификација на болестите и сродните здравствени проблеми, X ревизија (МКБ-10, меѓународно: ICD-10) е список на медицинска класификација со шифри за болестите, знаците и симптомите, абнормални наоди, поплаки, општествени пригоди и надворешни причинители на повреди или заболувања, со кој раководи Светската здравствена организација (СВО).^[1] Можни се над 14 400 различни шифри, како и следење на многуте нови дијагнози. Со дополнителните (незадолжителни) поткласификации, списокот може да се прошири до 16 000 шифри.

Меѓународната верзија (со превод на 42 јазика) на МКБ има свои „Клинички измени“ кои содржат многу повеќе подробности и понекогаш имаат посебни делови за постоперативни процедури. На пример, верзијата US ICD-10 CM има 68 000 шифри, а покрај тоа и систем ICD-10 PCS за процедури со 76 000 кој не постои во ниедна друга земја.^[2]

Составувањето на МКБ-10 започнало во 1983, за завршило во 1992 година.^[1]

Список

Ова е список на МКБ-10 шифри.^[3]

Меѓународна статистичка класификација на болестите и сродните здравствени проблеми, X ревизија

Глава	Блокови	Наслов
I	A00–B99	Одредени инфективни и паразитски болести
II	C00–D48	Неоплазми
III	D50–D89	Болести на крвта и крвните органи и одредени заболувања кај имунолошкиот механизам
IV	E00–E90	Ендокрини, нутритивни и болести на метаболизам
V	F00–F99	Ментални и болести на однесувањето
VI	G00–G99	Болести на нервниот систем
VII	H00–H59	Болести на очите и аднекси
VIII	H60–H95	Болести на ушите и мастоидниот процес
IX	I00–I99	Болести на циркулаторниот систем
X	J00–J99	Болести на респираторниот систем
XI	K00–K93	Болести на дигестивниот систем
XII	L00–L99	Болести на кожа и поткожно ткиво
XIII	M00–M99	Болести на мускулоскелетален систем и сврзно ткиво
XIV	N00–N99	Болести на генитоуринарниот систем
XV	O00–O99	Бременост, раѓање и пуерпериум
XVI	P00–P96	Одредени состојби кои потекнуваат од перинаталниот период
XVII	Q00–Q99	Вродени аномалии, деформации и хромозомски абнормалности
XVIII	R00–R99	Симптоми, знаци и абнормални клинички и лабораториски наоди, некласифицирани на друго место
XIX	S00–T98	Повреди, труење и одредени други последици од надворешни причини
XX	V01–Y98	Надворешни причини за морбидитет и морталитет
XXI	Z00–Z99	Фактори кои влијаат врз здравствениот статус и контакт со здравствени услуги
XXII	U00–U99	Шифри за специјални намени

^[4]

Поврзано

• Меѓународна статистичка класификација на болестите и сродните здравствени проблеми