Момчило Ивановски

Момчило Андреев Ивановски ( 1923 во Тетово — 1945 во Тетово) — македонски партизан, борец за слобода на Македонија и учесник во НОВ.^[1]

Животопис

Завршил основно училиште, а потоа изучил занает. Работел како столар. Подоцна се преселил и живеел во Скопје. По ослободувањето на Македонија стапил во составот на XV македонски корпус и учествувал во борбите за дефинитивното ослободување на цела Југославија. Во околината на Белград завршил тримесечна воено-политичка настава. Учествувал во сите борби во Срем и Хрватска. Во битките на приодите кон Загреб бил тешко ранет. По лечењето во партизанските болници, бил упатен на лечење во Тетово. Од последиците на раните, починал во 1945 година.^[1]