Каракамен

Каракамен или Кара Камен (грчки: Βέρμιο, Вермио) — планина во Егејска Македонија, денес во Грција.

Каракамен
Βέρμιο
Каракамен гледан од селото Копаново
Највисока точка
Надм. вис.	2.065 м
Друго име	Βέρμιο
Географија
Каракамен на карта
Место	Гребенско и Кожанско, Егејска Македонија (денес во Грција)

Планината се протега во централниот дел на Егејска Македонија меѓу административните области Западна Македонија (Кожани) на запад и Централна Македонија, Постол на североисток и Иматија (Берско) на југосток.

Планината се дели на два дела: северниот се нарекува Негушка Планина или Дурла (Турла), а јужниот — Докса. Каракамен се наоѓа меѓу Островското Езеро на северозапад, котлината Сариѓол (Кајларско Поле) на запад, река Бистрица на југ и Солунското Поле на исток. Највисокиот врв на планината е Каракамен (на турски Караташ, на грчки Хамити) на 2.065 метри.^[1]

Во народното творештво

Планината Каракамен се споменува во народната песна „Дафино вино црвено“, каде во првата строфа се вели:^[2]

„

Дафино вино црвено Момчето ти е заспало На Каракамен планина На сува рида без вода.

“

Поврзано

• Црвена Гора
• Сињак
• Постол (округ)
• Кожани (округ)
• Меглен