Нова Кавала

Нова Кавала (грчки: Νέα Καβάλα, Неја Кавала) — село во Кукушко, Егејска Македонија, денес во општината Пајонија на Кукушкиот округ во областа Централна Македонија, Грција. Населението брои 1.127 жители (2021).

Нова Кавала Νέα Καβάλα
Нова Кавала
Местоположба во областа Нова Кавала Местоположба на Нова Кавала во Кукушкиот округ и областа Централна Македонија
Координати: 40°59.17′N 22°37.2′E
Земја	Грција
Област	Централна Македонија
Округ	Кукушки
Општина	Пајонија
Општ. единица	Ругуновец
Надм. вис.	&1000000000000002500000025 м
Население (2021)[1]
• Вкупно	1,127
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа во Солунското Поле, околу 4 км источно од градот Ругуновец.^[2]

Историја

Селото е основано во 1930-те години со пресушувањето на Арџанското Езеро,^[3] на место кое дотогаш било под вода. Во новосоздаденото село се населиле луѓе од Кавала, кои биле Грци доселени од Мала Азија и времено сместени во тој град.^[2] Во прво време државата им изградила седумдесет живеалишта, и ја нарекло населбата Евдоминада — име кое го означува овој број. Подоцна е преименувана по градот од којшто дошле.

Нова Кавала за првпат се спомнува во пописот од 1940 г. кога е заведена со 361 жител, но оттогаш населението е во опаѓање.^[2]

Население

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	361	303	288	281	207	191	137	140	1.127

Извор за 1940-1991 г.: Т. Симовски, Населените места во Егејска Македонија

Стопанство

Земјиштето е мошне плодно. Се одгледуваат памук, пченица, пченка, бостан и други земјоделски производи. Развиено е и краварството.^[2]

Поврзано

• Солунско Поле