Одрено

Одрено — село во Општина Ранковце, сместено во областа Славиште, во североисточниот дел на Македонија.

Одрено
Одрено Местоположба на Одрено во Македонија Одрено на карта
Координати 42°9′0″N 22°10′59″E
Регион	Североисточен
Општина	Ранковце
Население	87 жит. (поп. 2021)[1]
Пошт. бр.	1316
Повик. бр.	031
Шифра на КО	15036
Надм. вис.	933 м
Одрено на општинската карта Атарот на Одрено во рамките на општината
Одрено на Ризницата

Географија и местоположба

Селото се наоѓа во јужниот дел на територијата на Општина Ранковце.

Се наоѓа во непосредна близина на самиот коридор 8, по кој поминува магистралниот пат од Скопје и Куманово кон Крива Паланка до граничниот премин Деве Баир на македонско-бугарската граница.

Население

Население во минатото

Година Нас. ±% 1948 349 —     1953 391 +12.0% 1961 388 −0.8% 1971 283 −27.1% 1981 171 −39.6%	Година Нас. ±% 1991 156 −8.8% 1994 140 −10.3% 2002 131 −6.4% 2021 87 −33.6%

Според германска карта издадена во 1941 година, а заснована на пописот на Кралството Југославија од 1931 година, селото имало 300 Македонци.^[2]

Според податоците од пописот во 2002 година во Одрено живеат 131 жител сите од македонско етничко потекло и со православна вероисповед.^[3]

Според последниот попис од 2021 година, во селото живееле 87 жители, од кои 83 Македонци и 4 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	344	328	349	391	388	283	171	156	140	131	87

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Родови

Според истражувањата на Бранислав Русиќ во 1953 година, родови во селото се:

• Староседелци: Трајановци (5 к.), Тошкинци (4 к.), Мацинци (2 к.), Шељавци или Витковци (3 к.), Паневци (1 к.), Саизовци (1 к.), Капланци (1 к.), Павунковци (1 к.), Каловци (1 к.), Вргинци (3 к.), Ѕуринци (8 к.), Ордини или Ординци (2 к.), Сурлинци и Лукар (6 к.), Баба Великини (3 к.) и Чуминци (1 к.)
• Со непознато потекло: Луларци (2 к.), Дрневци (1 к.) и Маџирци (1 к.).^[9]

Самоуправа и политика

Селото се наоѓа во Општина Ранковце, која била една од ретките општини во Македонија, која не била воопшто менувана во поглед на нејзините граници со новата територијална поделба на Македонија во 2004 година.

Во периодот од 1962 до 1996 година, селото се наоѓало во рамките на големата општина Крива Паланка, додека во периодот по војната од 1957 до 1962 година селото било седиште на некогашната општина Ранковце, каде што се наоѓало и во периодот 1955-1957.

Во периодот 1952-1955, селото исто така се наоѓало во тогашната општина Ранковце, во која покрај Одрено се наоѓале и селата Ветуница, Вржогрнци, Гулинци, Лубинци, Опила, Отошница, Радибуш, Ранковце и Станча. Самата Општина Ранковце била дел од Кривопаланечката околија. Општината Ранковце постоела и во периодот 1950-1952 година.

Културни и природни знаменитости

Археолошки наоѓалишта^[10]

• Градиште — градиште од доцноантичкото време;
• Селиште — населба од доцноантичкото време; и
• Чукарче — населба од доцноантичкото време.