Ордан Михајлоски-Оцка

Ордан Михајлоски - Оцка (Прилеп, 1921 - Орехово, Битолско, 3 мај 1942 ) — македонски виолинист и партизан, учесник во НОВ.

Ордан Михајлоски - Оцка
Роден	23 септември 1921 Прилеп, Кралство СХС (денес Македонија)
Починал	3 мај 1942(1942-05-03) (возр. 20) Орехово, Битолско, Македонија
Националност	Македонец

Животопис

А бре Македонче, отсвирена на виолина

Михајловски е роден во Прилеп во 1921 година. Бил талентиран музичар и образуван виолинист. Како член на Првиот прилепски партизански одред „Гоце Делчев“ во времето на неговото формирање на 23 октомври 1941 година, учествувал во создавањето на песната и составувањето на музиката за химната на партизанското движење во Македонија А бре, Македонче.^[1]

Ордан Михајлоски

По расформирањето на Првиот прилепски партизански одред „Гоце Делчев“ дејствувал илегално во селото Лавци, Битолско. По формирањето на првиот Битолски партизански одред „Пелистер“, бил член на раководството задолжен за агитација и пропаганда. Загинал во текот на борбата кај Ореовската Корија, Битолско, на 3 мај 1942 година, кога одредот бил разбиен од страна на бугарскиот окупатор.^[2]

Основното музичко училиште „Ордан Михајлоски - Оцка“ во Прилеп

Во негова чест е наречено основното музичко училиште „Ордан Михајлоски - Оцка“ во Прилеп.

2 август 1954 година Пренос на посмртните останки на Ордан Михајлоски - Оцка на градските гробишта во Прилеп