Ореовица

Ореовица или Ореховица (грчки: Πευκοδάσος, Певкодасос, до 1927 година Ορέβιστα, Оревиста) — село во областа Бојмија, Гевгелиско, а денес во општината Пајонија на Кукушкиот округ во Егејска Македонија, Грција. Населението брои 448 жители (2021).

Ореовица Πευκοδάσος
Ореовица
Координати: 41°02′N 22°35′E
Земја	Грција
Област	Централна Македонија
Округ	Кукуш
Општина	Пајонија
Општ. единица	Ругуновец
Население (2021)[1]
• Вкупно	448
Час. појас	EET (UTC+2)
• Лето (ЛСВ)	EEST (UTC+3)

Географија и местоположба

Селото е сместено на пет километри северно од Ругуновец и околу 61 километар северозападно од Солун, крај самиот лев брег на реката Вардар^[2]. Ореовица е расположена на надморска височина од 150 метри^[2]. Тоа претставувало самостојна општина со вкупна површина на општинскиот атар од 14 км^2[2].

Историја

Кон крајот на XIX век, во селото во 1895 - 1896 година е основан комитет на ВМОРО. Во минатото, селото Ореовица било мешана населба во која живеело македонско и турско население, при што во статистиките на К’нчов од 1910 се споменува со 230 Македонци и 490 Турци, Бранков бројот на Македонците го качува на 256, додека Милоевиќ ја регистрира со 35 македонски и 30 турски куќи^[2]. Како последица на настаните од Првата светска војна во 1914 голем број Македонци се иселиле во Бугарија, а преостанатите жители Турци во 1924 година, по сила на Лозанската конвенција се иселиле во Турција, а на нивно место властите населиле бегалски семејства од Понд^[2].

Стопанство

Основните производи на селото се памукот и пченицата, додека сточарството е слабо развиено^[3].

Население

Во пописот од 1913 година селото е евидентирано со 502 жители, додека во 1920 година само со 45 жители^[3]. Со населувањето на бегалски семејства од Понд, бројот на жителите во 1928 нараснува на 354, во 1940 се искачува на 790, во 1951 благо опаднал на 711, во 1961 повторно пораснал на 782, за да опадне во 1971 на 475, во 1981 на 609, а во 1991 да опадне на 569 жители^[3].

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	790	711	782	475	609	569	637	577	448

Извор за 1940-1991 г.: Т. Симовски, Населените места во Егејска Македонија

Иселеништво

Под притисок на грчките власти во Бугарија биле иселени македонските семејства, а во турските во Турција.

Знаменитости

• Црква „Св. Ѓорѓи“ — дело на истакнатиот мајстор Андон Китанов